Што значи „Хигиена во спиењето?“

Ова е термин кој се користи за означување на добри навики поврзани со сонот и спиењето. Истражувањата во оваа област покажале дека постои сет на основни упатства и навики, кои значително го подобруваат сонот и ги решаваат проблемите со спиењето, доколку се придржуваме кон истите.

Постојат многу лекарства кои се наменети за третирање на проблемот со несоницата, но тие се ефикасни само на краток рок. Од друга страна пак, користењето на апчиња за спиење може да создадат зависност или да го нарушат здравиот сон на долг рок.

Како и да е, за сите проблеми поврзани со несоница, ви предлагаме да зборувате со вашиот доктор, но и да се придржувате кон следните навики, како би си помогнале во решавањето на проблемот или пак превентивни би делувале да не дојде до тоа.

Совети за добар сон

  • Навика за станување и легнување во исто време. Еден од најдобрите начини да го истренирате вашето тело да спие добро е да си легнувате и станувате во исто време секој ден, вклучувајќи ги и викендите. Ваквиот ритам ќе направи да се чувствувате добро, а вашето тело природно ќе се програмира кога да заспива и кога да се буди.
  • Спијте само кога ви се спие. Одете на спиење само кога се чувствувате навистина уморно или поспано. Поминувањето време во кревет кога не ви се спие, само го нарушува сонот.
  • Станете и обидете се повторно. Ако не успеете да заспиете 20 минути откако сте легнале, станете и правете нешто што ве смирува се додека не почувствувате дека ве фаќа дремка. Тогаш, вратете се во кревет и пробајте повторно да заспиете. Испрвете се во креветот во седечка положба со изгаснати светла (светлината му дава сигнал на мозокот дека е време за будење), слушајте музика која опушта, медитирајте…. Избегнувајте да правите некоја интересна активност, бидејќи тоа уште повеќе ќе го стимулира вашиот мозок да се разбуди.
  • Избегнувајте кофеин и никотин. Најдобро е да избегнувате да конзумирате кофеин (кафе, чај, кока- кола сокови, чоколадо или апчиња) или никотин (цигари) најмалку 4 до 6 часа пред да одите на спиење. Овие супстанци реагираат како стимуланси и пречат на способноста да потонете во сон.
  • Избегнувајте алкохол. Исто така, добро е да се избегнува употреба на алкохол најмалку 4 до 6 часа пред спиење. Многу луѓе веруваат дека алкохолот релаксира и помага да заспиете, но вистината е дека сонот под дејство на алкохол воопшто не е квалитетен и наредниот ден ќе се чувствувате лошо.
  • Креветот служи за спиење. Обидете се да не го користите вашиот кревет за ништо друго, освен за спиење и секс. На тој начин, вашето тело ќе го поврзе креветот само со тие активности. Ако го користите креветот како место од каде гледате телевизија, место каде јадете, читате, работите на вашиот лап топ, плаќате сметки и правите други работи, вашето тело нема да ја научи асоцијацијата и врската на креветот со спиењето.
  • Без дневни дремки. Најдобро е да ги избегнувате пладневните дремки, бидејќи така сигурно ќе бидете уморни и поспани кога ќе дојде време за вечерно спиење. Доколку сепак не можете без дневна дремка, потрудете се таа да трае помалку од еден час.
  • Ритуали пред спиење. Корисно е да си смислите свои ритуали кои ќе го потсетуваат вашето тело дека е време за спиење – накои луѓе прават вежби за истегнување, други вежби за правилно дишење 15 минути пред легнување или едноставно седат смирено со шоља чај (без кофеин).
  • Топла бања. Топол туш, еден до два часа пред спиење може да е корисен и да ви помогне полесно да заспиете, бидејќи ја покачува телесната температура и ве прави сонливи.
  • Не гледајте во часовникот. Многу луѓе кои страдаат од несоница имаат навика постојано да погледнуваат во часовникот во текот на ноќта. Честото погледнување во часовникот може да ве расони уште повеќе, посебно ако при тоа вклучувате светло за да видите колку е часот, а може и да ве вознемири, предизвикувајќи мисли од типот на: „О не, колку е доцна а јас се уште не спијам“ или „Леле колку е рано, што ако не можам да презаспијам.“
  • Направете си дневник за спиење. Запишете кои се вашите навики и што обично правите пред спиење. Потоа, следниот ден запишете како сте спиеле изминатата ноќ. Во рок од еден месец, ќе имате јасна слика што конкретно му смета на вашиот сон, па така ќе можете и да смените нешто.
  • Вежбајте. Редовното вежбање е добро за квалитетен сон, но внимавајте д ана правите пренапорни вежби најмалу 4 часа пред спиење. Утринските прошетки се исто така одлични за д аго почнете денот свежи.
  • Хранете се правилно. Здрава и балансирана исхрана ќе овозможат да спиете подобро, но битно е да се одреди времето во кое јадете. Некои луѓе забележале дека празниот стомак пред спиење ги прави вознемирени, па за таквите е во ред да имаат лесен оброк пред спиење, но мора да се напомене дека конзумирање на тешка храна пред спиење, исто така го нарушува сонот. Некои истражувања покажуваат дека чаша млеко непосредно пред спиење(млекото содржи амино киселина која делува како природна состојка за успивање) е одлично решение за мирен сон.
  • Одберете вистинско место. Многу е важно вашиот кревет и спална соба да се лоцирани на тивка страна од вашиот дом. Спиењето во поладна соба, но со доволно покривачи за телото да ја задри топлината е најдобро решение. Спуштете ги капаците на прозорците или користете маска за спиење за да спречите утринската светлина да ве разбуди, пред да дојде време за станување. Исто така, тампоните за уши се одлични за спречување на надворешната бучава.
  • Одржувајте ја дневната рутина иста. Дури иако претходната ноќ сте спиеле лошо и следниот ден се чувствувате мрзоволно и уморно, не ги откажувајте планираните активности, бидејќи тоа може да го измени вашиот биоритам и да предизвика долгорочна несоница.

8 знаци кои покажуваат дека е време за нов душек

За повеќето производи кои ги користиме во животот, лесно можеме да одредиме кога повеќе не ја извршуваат својата функција или покажуваат знаци на истрошеност. Тоа е вистинскиот момент за нивна замена.

Но, кога станува збор за душек, знаците дека е време да се замени и не секогаш се толку очигледни. Често се случува душекот да ги изгуби своите основни карактеристики кои му обезбедуваат на вашето тело соодветна поддршка и удобност, а вие да не сте ни свесни се до оној момент кога веќе ќе почнете да ги чувствуваат последиците.

Бидејќи здравиот сон има огромно значење за нашата способност нормално да функционираме во текот на денот и воопшто во животот, ви предочуваме неколку знаци кои јасно укажуваат дека е време да се инвестира во нов душек:

1. Се будите уморни, вкочанети, со болки во вратот или во долниот дел на грбот.

Со текот на годините и најдобрите душеци ги губат своите перформанси, а тоа резултира со неправилна поддршка, на вашиот ‘рбет, и со болки насекаде, кои се резултат на неприродната позиција на телото во текот на ноќта.

2. Полесно заспивате на гарнитурата во дневната соба, во хотел или во креветот на некој член од вашето семејство

Дали навистина причина за вашата несоница е стариот душек или пак се работи за друг проблем, најлесно ќе оцените ако преспиете неколку ноќи на друг душек. Ако квалитетот на сонот се подобри, тогаш бидете сигурни дека е време за нов душек.

3. Немирно спиете, се будите често во текот на ноќта и се превртувате безброј пати за да ја најдете совршената позиција

Дури и ако сте сигурни дека имате нов и квалитетен душек, а вие понатаму се превртувате, проверете дали моделот кој сте го одбрале е соодветен за вашите потреби. Денес компаниите, употребувајќи најсофистицирани технологии, произведуваат душеци со различни карактеристики и перформанси, со цел да се перфектни за вашите посебни телесни карактеристики и потреби, и нормално префериран комфор.

4. Душекот покажува видливи знаци на истрошеност (се деформира, има вдлабнатини и нерамнини или грутки на јадрото)

Ова е еден од највидливите знаци дека е време за нов душек. Ако душекот ја изгуби својата форма, бидете сигурни дека тоа штетно ќе се одрази врз вашето здравје порано или подоцна

5. Ако во текот на ноќта ги чувствувате движењата кои ги прави партнерот, на вашата страна од креветот

Новата генерација на душеци имаат технологија која балансирано ја распределува тежината врз површината, па така движењата на едната страна од креветот не се чувствуваат на другата половина.

6. Постар е од 7 години.

Колку еден душек ќе потрае зависи од неговата гаранција, но и од низа други фактори како: фреквенцијата на користење, начинот на одржување, тежината која ја издржува и сл. Во просек, се препорачува душекот да се менува на секои 7 до 10 години, во зависност од моделот.

7. Душекот шкрипи или попушта под вашата тежина без да се врати во првобитната форма во потребното време.

Ако душекот испушта звуци под вашата тежина, јасно е дека неговата внатрешност е дотрајана, иако можеби тоа не се забележува на прв поглед.

8. Се случува да се разбудите со осипи како резултат на алергија за која немате логично објаснување

Душеците се склони кон собирање прав, полен, животински влакна, првут, бактерии и грини. Како што нивото на алергени се зголемува, постои ризик за појава на алергии, кивање, па дури и астма

Како да го одберете вистинскиот душек за Вас?

Спиењето е исклучително важен дел од нашиот живот бидејќи претставува природен начин за регенерација и одмор на нашето тело од секојдневните напори.

Притоа, квалитетот на спиењево голема мера зависи од изборот на душекот и подницата на која е поставен.

Квалитетниот избор на душек и подница ќе овозможи прозрачност на вашето легло и правилен распоред на тежината на телото, односно идеална анатомска положба и опуштеност на мускулите во текот на спиењето.

Пред да го купите вашиот душек, задолжително пробајте го, односно легнете на грб на него и останете неколку минути во лежечка положба, а потоа свртете се странично или на стомак.

Доколку почувствувате дека душекот брзо се прилагодува на положбата на вашето тело, но и притоа не се чувствувате како да висите во вреќа, сте го пронашле вистинскиот. Душекот не треба да се лула, тресе ниту пак да вибрира кога се превртувате или седнувате на него.

Душекот пожелно е да биде 20 cm подолг од вашата висина, а стандардната ширина на душекот за едно лице е 90 или 100 cm. Доколку сте натпросечно високи или крупни, одберете поголема нестандардна димензија бидејќи за изборот на поголемиот или поширокиот душек никогаш нема да зажалите.

При изборот на душекот, треба да се има во предвид и подницата на која ќе биде поставен.

Доколку подницата под душекот е тврда, купете помек душек и обратно. Подницата во форма на летвички претставува најдобра потпора која овозможува пропуштање на воздух и долг век на траење.

  • Доколку сте покрупни односно потешки изберете потврд душек кој ќе може успешно да ја носи вашата тежина подолго време.
  • Послабите лица треба да внимаваат душекот да има мека и удобна површина – притисокот врз колковите или рамената кој може да се јави при лежење на тврд душек нема да исчезне со текот на времето. Истото важи и за луѓе кои патат од лоша површинска циркулација: лежењето на тврд душек ќе биде болно за нив, па затоа треба да изберат квалитетен душек.
  • За лицата во постаро животно доба удобноста е неприкосновен императив при изборот на душекот.
  • Доколку избирате душек за дете, квалитетен средно цврст душек од мемори пена е соодветен избор.
  • При изборот на душек за брачен кревет, двајцата партнери мора да бидат задоволни со душекот – одредени компании за душеци произведуваат брачен душек со две страни, тврда и мека страна кои се совршено приспособени за потребите на партнерите, но доколку не успеете да најдете таков, земете два различни.

Доколку станува збор за квалитетни душеци тие подеднакво добро ќе стојат еден до друг и нема да создаваат вдлабнување во средината.

Тестирајте ги душеците во нашиот салон за здрав сон

Кога станува збор за инвестиција каква што е душекот, односно нешто кое се купува еднаш и се користи во наредните 10 - 15 години, ние во MAGNIFLEX инсистираме да дојдете и изборот на душек да го направите откако ќе ги тестирате сите душеци кои ги нудиме.

Кога еднаш ќе дојдете, не брзајте и „дајте му шанса“ на секој модел на душек по неколку минути.

Немојте да се срамите и да ги тестирате душеците така што само ќе ги допрете или ќе седнете на самиот раб.

Слободно легнете и опуштете се во релаксирана атмосфера. Ако купувате брачен душек, препорачливо е да биде присутен и партнерот, како би одлучиле што е она што и на двајцата ви одговара.

Се разбира, тука за вас секогаш ќе биде нашиот млад, енергичен тим кој ќе одговори на секое прашање, ќе ве советува и ќе помогне да го изберете вистинскиот модел за вас.

Ве очекуваме!

ЗАПОМНЕТЕ!
Сите душеци на MAGNIFLEX ќе ви ја дадат потребната ортопедска и анатомска поддршка, без разлика на цврстината или мекоста на душекот. Нивото на комфор е индивидуална работа и прашање на вкус.